Бартоғай су қоймасы Алматы облысының Еңбекшіқазақ ауданында Шілік өзенінде, Асысағ ауылынан 10 км жерде орналасқан. Ұзындығы солтүстіктен оңтүстікке қарай 6 км, ені 3 км, орташа тереңдігі 25 м, ауданы 13 км², су көлемі 320 млн м³ (пайдалануға болатын көлемі 250 млн м³). Толығымен 1986 жылы пайдалануға берілген. Іле Алатауының етегіндегі 150 мың гектар жерді суарады. Бартоғай су қоймасына келетін судың орташа жылдық көлемі 1 миллиард м³ құрайды. Үлкен Алматы каналы Бартоғай су қоймасынан басталады. Бартоғай су қоймасында сазан, мөңке, сазан, форель мекендейді.
