Бұл шығарма миллиондаған адамдардың қайғы-қасіретіне айналған сұрапыл соғыс жылдарында тылдағы ауыл адамдарының өмірі мен тұрмыс тіршілігі туралы сыр шертеді. Соғыс өртінің өзі де Жәмилә мен Даниярдың арасында тұтанған өзге бір алау сезімге кедергі бола алмады. Қойылым арқылы соғыстан алыс орналасқан ауылдың өзінен сұм соғыстың лебі мен зардабын сезген кезде Ұлы Жеңістің қадірі одан сайын арта түседі.
