Адам өмірінің басты мақсаты, мұраты не? Атақ па, даңқ па,барлық пен байлық па, үлкен лауазым ба, әлде шынайы маxаббат па? Көрнекті драматург Серік Асылбекұлының «Күзгі романс» драмасы бойынша қойылған спектакль сонау Адам ата мен Хауа анадан бері адамзатты толғандырып келе жатқан осы мәңгілік сауалдарға жауап іздейді.

Бұл пьесаға 2005 жылы Қазақстан Республикасы Ұлттық кітапxанасы мен «Самсунг электроникс» корпорациясының үздік драмалық шығармаларды анықтау мақсатында өткізген республикалық конкурсының бас жүлдесі берілген болатын.