Келіндер көтерілісі

Өткізу орны: Астана, Мангилик ел 55/2, объект В.2.3 Спектакль авторы: Саид Ахмад Премьера күні: 2022 жылдың 5, 6 шілде Қоюшы Режиссер: Уланмырза Карыпбаев Киім суретшісі: Аида Ұланбек Жанр: комедия Ұзақтығы: 1 сағ 40 мин Жас шектеуі: 12+ Аударған: А.Сүлейменов Балетмейстер: Алиевна Тазабике Салиева Театрдың көркемдік жетекшісі: Қазақстан Республикасының Еңбек сіңірген қайраткері Тұрсынбек Қабатов Қосымша: Өзбекстан Республикасының көрнекті жазушы-драматургі Саид Ахмадтың «Келіндер көтерілісі» пьесасы ұзақ жылдар бойы сахна төрінен түспей келе жатқан комедиялық жанрда жазылған үздік шығармалардың бірі. Генерал ененің бұйрығымен жүріп-тұратын бір әулет адамдары кеше ғана жас келін болып түскен Нигораның бас көтеруімен аналарына қарсы шығады. Бір жағадан бас бір жеңнен қол шығарып маршал кемпірді тақтан тайдырудың жоспарын жасайды. Комедия ене мен келін арасындағы қарым-қатынасты емес, жалпы қоғамда орын алып отырған мәселелерді көрсетеді. Адам баласының еркіндігі, таңдау құқығы сияқты күнделікті өмірде кездесетін мәселелер негізге алынған. Қойылымда ата дәстүрін берік ұстайтын өзбек халқының ұлттық биі мен музыкасы қолданылады. Астарлы әзілге толы комедия көрермен қауымды күлкіге бөлей отырып, терең ойға батырады.