2021 / 2022 Үлкен зал ІХ маусым
8 қыркүйек * сәрсенбі * 19.00
10 қыркүйек * жұма * 19.00
Дж.Верди
«Дон Карлос»
4 бөлімді опера
ҚОЙЫЛЫМДЫҚ ТОП
Қоюшы дирижер – Алан Бөрібаев, Қазақстанның еңбек сіңірген қайраткері, ҚР Мемлекеттік сыйлығының лауреаты
Қоюшы режиссер, сценограф – Давиде Ливермор
Сценография – Gio Forma студиясы
Костюмдер бойынша суретшілер – Софья Тасмағамбетова, Қазақстанның еңбек сіңірген қайраткері / Павел Драгунов, Қазақстанның еңбек сіңірген қайраткері
Хормейстер – Ержан Дәуітов, Қазақстанның еңбек сіңірген қайраткері
Жарық бойынша суретші – Винченцо Рапони
Бейнепроекцияларды жасаушы – «D-WOK» ЖШС
Вокалдан тәлімгер-ұстаз – Алла Симонишвили
Қоюшы режиссердің ассистенттері – Джанкарло Юдика Кордилья, Сальваторе Никосия / Еренбақ Тойкенов
Қоюшы дирижердің ассистенттері – Руслан Баймурзин / Элмар Бөрібаев
Костюмдер бойынша суретшінің ассистенті – Наталия Федорова
Ноталық материал ұсынған G. RlCORDl & CO., Bühnen- und Musikverlag GmbH, Берлин қ.
Либретто авторлары – Жозеф Мери және Камиль дю Локль, Иоганн Фридрих Шиллердің аттас драмасының желісімен.
«Дон Карлос» – Джузеппе Вердидің опералары ішіндегі ең көлемді әрі барынша өршіл туындысы. 1865 жылдың қараша айында Париждегі Үлкен опера театрының директоры композиторге опера жазуға тапсырыс береді, ал 1867 жылдың 11 наурызында қойылымның премьерасы орын алады.
«Дон Карлостың» музыкасы тыңдармандарға ләззат сыйлаудың орнына оларды біршама таңдандырды. Шығармашыл кемеңгер Вердидің негізін құрайтын өктем күш маэстроның атағы мен танымалдылығына ие болған зор қарапайымдылықтан көрініс табады, алайда ол үйлесімді құралдардың, нәзік дыбысталу мен жаңа әуенді айналымдардың ерекше дамуымен нығая түскен. «Риголетто», «Травиата», «Трубадур» сынды жауһарларды дүниеге әкеліп, атақ-даңққа қол жеткізген Верди өзінің көркемдік шығармашылығында бетбұрысты білдіретін опера жазғанын түсінді.
Сол жылы Италиядағы қойылымы үшін операның аудармасы жасалынды, бұдан музыкада кейбір өзгерістер мен қайта түзетулер орын алды. 1882-1883 жылдары Верди операны біршама қайта өңдеді: жаңа сахналық көріністерді жасау үшін «Аиданың» либреттошысы А.Гисланцони қатысты. 1884 жылдың 10 қаңтарында Милан театрының сахнасында қойылған бұл редакция алғашқы нұсқасынан біраз қысқа болды.
Кейін Вердидің көзі тірісінде, бірақ оның қатысуынсыз, үшінші редакция жасалды. Қазіргі уақытта опера, әдетте, аралас редакцияда сахналанады. Барлық осынау өзгерістердің мақсаты – операны әдеби түпдерекке, яғни Фридрих Шиллердің Сексен жылдық соғыс, Испаниядан тәуелсіздік алу үшін күрес пен Филипп ІІ патшаның сарайдағы шытырмандары туралы баяндайтын 1787 жылы жазылған трагедиясына жақындата түсу еді.
Шиллердің туындылары бойынша жазылған опералар қазіргі күні де танымалдылыққа ие. Ең атақтылары: «Дон Карлос», «Мария Стюарт», «Вильгельм Телль», «Қарақшылар», «Орлеандық бикеш», «Луиза Миллер» және «Мессиналық қалыңдық».
«Дон Карлостың» «канондық» нұсқасы жоқ. Шартты түрде айтқанда, үш нұсқаны: 1867 жылғы бастапқы француздық, 1884 жылғы төрт бөлімді итальяндық және 1886 жылғы бес бөлімді итальяндық нұсқаларды бөліп көрсетуге болады. Алайда әр театрлық қойылымда белгілі бір вариациялар бар – түрлі редакциялардан сан алуан көріністерді енгізу немесе ықшамдаулар, я болмаса екеуін бірге қолдану кездеседі.
«Дон Карлос» операсы композитор шығармашылығындағы жөні де, орны да бір бөлек туынды, алайда ол сазгердің қаламынан туған ұлы шығармалардың бірі болып қала бермек.
Бүгінгі таңда операның француздық та, итальяндық та нұсқасы әлемнің жетекші театрларының сахнасынан түскен емес.
БАСТЫ КЕЙІПКЕРЛЕР ЖӘНЕ ОРЫНДАУШЫЛАР
Филипп II – Евгений ЧАЙНИКОВ
Дон Карлос – Медет ЧОТАБАЕВ, Қазақстанның еңбек сіңірген қайраткері
Родриго – Талғат МҰСАБАЕВ, Қазақстанның еңбек сіңірген қайраткері
Ұлы инквизитор – Болат ЕСІМХАНОВ
Елизавета Валуа – Жұпар ҒАБДУЛЛИНА, Қазақстанның еңбек сіңірген қайраткері
Ханшайым Эболи – Татьяна ВИЦИНСКАЯ / Салтанат МҰРАТБЕКОВА
Монах – Шыңғыс РАСЫЛХАН
Тебальдо – Мәдина ИСЛАМОВА / Назым САҒЫНТАЙ
Аспан дауысы – Әсем СЕМБИНА / Елена ГАНЖА
Граф ди Лерма – Ерұлан КӘМЕЛ
Герольд – Рамзат БАЛАКИШИЕВ
Ұзақтығы – 3 сағат 15 минут (бір үзіліспен)
Итальян тілінде орындалады
(қазақ және орыс тілдеріндегі синхронды аудармамен)
«АСТАНА ОПЕРА» ТЕАТРЫНЫҢ ОРКЕСТРІ, ХОРЫ, БАЛЕТ ӘРТІСТЕРІ, МИМАНСЫ
Дирекция өзіне орындаушыларды ауыстыру құқығын қалдырады
Құрметті көрермендер!
«Астана Опера» мемлекеттік опера және балет театрының «Ashyq» пилоттық жобасына қатысуына байланысты, спектакльдерге алдын ала, ертерек келуді сұраймыз.
Театрға келер алдында «Ashyq» қосымшасын алдын ала өзіңіздің ұялы құрылғыңызға орнатуды сұраймыз.
Қолдану бойынша нұсқаулық:
1. Өзіңіздің ұялы құрылғыңызға «Ashyq» қосымшасын жүктеп, орнатыңыз (Iphone үшін App Store, ал Android үшін Google Play).
2. Өзіңіздің телефон нөміріңіз бен ЖСН енгізіңіз.
3. Театрға кірер кезде «КІРУ» тіркеуін таңдап, QR-кодты сканерлеу қажет (КІРУ).
4. Жүйе келушінің мәртебесін анықтайды, оны кірер кезде міндетті түрде Театр қызметкеріне көрсету қажет
Мәртебелер:
Көк және Жасыл – Театрымызға кіруге шектеу жоқ
Сары – Театрымызға кіру шектелген, себебі COVID-19 таралуы бойынша байланысушы тұлға болып табылады
Қызыл – Театрымызға кіруге үзілді-кесілді шектеу қойылған, себебі өзін-өзі оқшаулауда немесе амбулаториялық емдеуде болуы тиіс.
Егер келушіде «қызыл» немесе «сары» мәртебе анықталса, ол Театрға кіргізілмейді және мәртебесі туралы скриншоттың бар болуы кезінде спектакльдің басталуына дейін сатып алған билеттерін тапсырады.
Бүгінгі таңда инфекция жұқтырғандардың өзін-өзі оқшаулауын бұзу деректері анықталған кезде санитариялық-эпидемиологиялық бақылау органдары мен ішкі істер органдарының лауазымды тұлғаларының іс-қимыл алгоритмі әзірленді.
Бұл алгоритм Ведомствоаралық комиссияның 2020 жылғы 7 желтоқсандағы хаттамасымен бекітілген. Сонымен қатар осындай тұлғалар үшін айыппұл түрінде әкімшілік жауапкершілік көзделген.
5. Егер келушінің өз мәртебесін тексеруге мүмкіндігі болмаса, осы үрдісті Театр қызметкері «күзетші» режимінің көмегімен – келушінің келісімімен оның ЖСН ақпараттық жүйеге енгізу арқылы жүзеге асыра алады.
Түсіністік танытады деген сенімдеміз!
Үлкен залдағы спектакльдерге жас шектеуі: 10+, Камералық залдағы концерттерге: 7+
Сонымен қатар үзіліс кезінде әлеуметтік арақашықтық пен маскалы режимді сақтауды сұраймыз.
