«Қазақтың бұлбұлы»
Бибігүл Төлегенованың мерейтойлық концерті
(Социалистік Еңбек Ері, КСРО Халық әртісі, КСРО Мемлекеттік сыйлығының лауреатының 95 жылдығына орай)
КОНЦЕРТ ҚАЗАҚ ЖӘНЕ ОРЫС ТІЛДЕРІНДЕ ӨТЕДІ
Ұзақтығы – 1 сағат 45 минут
Жас шектеуі 10+ екендігіне назар аударуды сұраймыз
Дирекция орындаушыларды ауыстыру құқығын өзіне қалдырады
Аты аңызға айналған қазақстандық опера әншісі, актриса әрі педагог – Социалистік Еңбек Ері, КСРО Халық әртісі, КСРО Мемлекеттік сыйлығының лауреаты Бибігүл Ахметқызы Төлегенова еліміздің басты театр сахнасында мерейтойын атап өтпек.
Тамаша лирикалық-колоратуралық сопрано иесі, «қазақтың бұлбұлы», халықтың сүйіктісі өзінің құрметіне орай ұйымдастырылған концертте сахна төріне шығады.
Керемет әнші осы күнге дейін шығармашылық үдеріс үстінде: оның мол тәжірибесі аға толқын мен жас әртістер арасында сұранысқа ие, ол өз шеберлігімен қуана бөлісіп, ақыл-кеңесін беруден аянбайды.
Бибігүл Ахметқызы – он екі жыл бойы түрлі елдердің үздік вокалистерінің басын біріктіріп келе жатқан оның атындағы Халықаралық вокалистер байқауының идеялық шабыттандырушысы. Бұл шығармашылық сайыстың мақсаты – жас өнерпаздардың дарынын ашып, оларға қолдау көрсету, қазақ музыка өнерін насихаттау.
Салтанатты концертке мерейтой иесінің өзі, сондай-ақ оның шақыртуымен белгілі қазақстандық опера әншілері, оның ізін жалғастырушы шәкірттері, Бибігүл Төлегенова байқауының лауреаттары және т.б. қатысады.
Бағдарламада – қазақстандық және шетелдік композиторлардың операларынан ариялар, халық әндері, романстар, аспаптық туындылар.
«АСТАНА ОПЕРА» ТЕАТРЫНЫҢ ОПЕРА СОЛИСТЕРІ, ХОРЫ ЖӘНЕ СИМФОНИЯЛЫҚ ОРКЕСТРІ
«Астана Опера» МОБТ-дан сатып алынған билеттер спектакльдің өткізілмеуі немесе басқа күнге ауыстырылуы кезінде ғана айырбасталуға және қайтарылуға тиіс. Өзге жағдайларда қайтару мен айырбастау жүргізілмейді.
