Өтетін орны: Астана қ., Тәуелсіздік даңғылы 54, Қазақстан Республикасының Ұлттық музей
Көрменің ұзақтығы: 2024 жылдың 31 желтоқсанына дейін
Ұзақтығы: музейге бару аясында
Жұмыс кестесі: Сейсенбі-жексенбі: 10.00 - 18.00 сағ.
Касса: 10.00 - 17.00 сағ.
Қосымша: Назар Аударыңыз! Техникалық күн-дүйсенбі. Барлық залдарды тексеруге болатын уақыт - 2-ден 4 сағатқа дейін, барар алдында музей жұмыс кестесін ескеруді сұраймыз. Санитарлық күн-әр айдың соңғы сейсенбісі. Назар аударыңыз! Бұл күндері музей көпшілікке жабық.
Қазан айының екінші жексенбісінде елімізде Мүмкіндігі шектеулі жандар күні аталып өтеді.
Ерекше қажеттіліктері бар азаматтардың өмір сүру сапасын арттыру және әлеуметтік қолдау – мемлекеттік саясаттың басты бағыттарының бірі.
Мүмкіндігі шектеулі жандар күні қарсаңында Қазақстанда «Шекарасыз мәдениет» акциясы жарияланды.
Акция аясында 2024 жылғы 13 қазан мен 31 желтоқсан аралығында I, II және III топтардың ерекше қажеттіліктері бар азаматтар Ұлттық музейге тегін кіреді. Бұл акция басқа да мемлекеттік мәдени ойын-сауық мекемелері өткізетін іс-шараларды қамтиды.
Акцияның мақсаты – мүмкіндігі шектеулі жандар үшін мәдениет нысандарының қолжетімділігін арттыру, елдің мәдени өміріне қатысуын қамтамасыз ету және олардың проблемаларына қоғам назарын аудару.
Бейінді мемлекеттік мекемелердің мәдени ойын-сауық іс-шараларына ерекше қажеттіліктері бар балалар мен бірінші және екінші мүгедектік тобы бар ересектер тұрақты түрде тегін қатыса алатынын атап өту қажет. Үшінші топ үшін 50 пайыздық жеңілдік қарастырылған.
