Қыз Жібек

Өтетін орны: Қалибек Қуанышбаев атындағы мемлекеттік академиялық қазақ музыкалық драма театры театры (Қ.Қуанышбаев көшесі, 8/1) Авторы: Жүсіпбек қожа Шайхисламұлы, Ғ.Мүсірепов Композитор: Е.Брусиловский Режиссер: Әлібек Өмірбекұлы Қоюшы суретші: Әлібек Өмірбекұлы, Шынар Елембаева Жанр: драмалық опера Ұзақтығы: 5 сағат   «Қыз Жібек» лиро-эпостық дастаны - Төлеген мен Қыз Жібектің адал махаббатын әспеттеген қазақтың жақұт жырларының бірі. Қаншама ғасыр ел жадында сақталған жырдың 16 нұсқасы белгілі. Әлі күнге дейін өзектігін жоғалтпай келе жатқан туындының сыры неде? Сіз бен біз білетін қос ғашықтың қосылмауына кінәлі расымен де Бекежан ба, әлде Базарбайдың өз ұлына берген теріс батасының кесірі ме? Мүмкін сіздің ұсынар өз нұсқаңыз табылар? Жүсіпбек қожа Шайхисламұлының нұсқасы бойынша сахналанатын «Қыз Жібек» лиро-эпосында жырды жаңаша интерпретацияда тамашалай аласыздар. Спектакльде кейіпкерлердің ішкі күйін, жан тебіренісін, сезім иірімдеріне бұрыңғыдан тереңірек үңілуге мүмкіндік туады.