Жібек - Система онлайн-покупки билетов в кино и на концерты Ticketon.kz

Жібек

жібек спектакль, театр жастар

Өтетін орны: Нұр-Сұлтан қ., І. Есенберлин к, 10, «Жастар»​ театры

Автор: Ғ. Мүсірепов

Қоюшы режиссері: Нұрқанат Жақыпбай, Қазақстанның еңбек сіңірген қайраткері

Премьера күні: Сәуір, 2018 жыл

Қоюшы суретші: Ерлан Тұяқов

Хормейстер: Гүлмира Құттыбадамова

Жанр: мюзикл

Ұзақтығы: 1 сағат, 15 мин

 

 

 

«Қыз Жібек» – мәңгілік махаббат жыры. Шекті руының айдай сұлу аруы Жібек пен Жағалбайлы руының батыры, сері Төлегеннің арасында тұтанған сезім шоғы кіршіксіз махаббатқа ұласады. Алайда махаббат барда қызғаныштың да қатар жүруі өмір заңдылығы емес пе? Жібек аруға бұрыннан ғашық сол ауылдың Бекежан есімді батыры да сұлудан дәмелі көңілін жасырмай, махаббат үшін ашық айқасқа түседі. Қайшылыққа толы күрестің соңы орны толмас өкінішке ұласады...    

Ғасырды ғасырға жалғаған жауһар жырдың Жастар театры сахнасында жандану мен тіл қату әдісі де, «сөйлеу» қалыбы да өзгеше. Евгений Брусиловскийдің заманауи үнде жаңаша өңделген классикалық музыкасы көрерменін формалық, идеялық һәм көркемдік ерекшелігімен баурайды. Қазақтың байырғы салты – бастаңғы стилінде өрбитін мюзиклде негізінен жастардың сыры мен мұңы, арманы мен мұраты, ең бастысы, кіршіксіз махаббаты алға шығады. Ғажайып музыка тілі арқылы сезім күйін шертер қойылым көрерменін бей-жай қалдырмайды.

Кейіпкерлер: 
Жібек – Назерке Серікболова, «Үміт» сыйлығының иегері
Айым Жүсіпбекова, «Еңбек даңқы» төсбелгісінің иегері
Төлеген – Мейірғат Амангелдин, «Үміт» сыйлығының иегері
Бекежан – Бекжан Керімбаев, «Шапағат» медалінің иегері
Данияр Оразаев, «Еңбек даңқы» төсбелгісінің иегері
Шеге – Жандәулет Батай, ҚР Мемлекеттік Президент стипендиясының иегері
Нұрлыбек Төлеген, «Еңбек даңқы» төсбелгісінің иегері
Дүрия – Шехназа Қызыханова, «Үміт» сыйлығының иегері

 

banner