Жас Абай - Система онлайн-покупки билетов в кино и на концерты Ticketon.kz

Жас Абай

Жас АбайӨтетін орыны: NOMAD CITY HALL концерттік залы, Нұр-Сұлтан қ-сы, Мәңгілік ел көш, 55/2, B2-3

Автор: Нұрлан Жұманиязов

Премьера күні: 15.12.2020 жыл

Қоюшы режиссёр: Нұрлан Жұманиязов

Жанр: драма

Ұзақтығы: 1 сағат 40 мин

Жас санаты: 7+

Қосымша: 12-14 жас балаларға, мүмкіндігі шектеулі жандарға, көп балалы отбасыларға, студенттерге 50% жеңілдік беріледі

 

Қазақтың бас ақыны Абай Құнанбайұлының 175 жылдық мерейтойына орай сахналанатын қойылым Абайдың жастық шағын баян етеді. Спектакльде ақынның танымал поэзиясы мен өлеңдеріне жазылған белгілі әндерін тыңдап, бір-біріне құлай сүйген жандардың Абай мен Тоғжанның әсерлі махаббат оқиғасына куә бола аласыздар. Драмада алғаш рет ақынның қарындасы Кәмшаттың өлімі қозғалады. Сонымен қоса жас Абайдың қоғамдық іске араласа бастаған кезін тамашалай аласыздар.

Қойылымда С.Мұхамеджанов, А.Жұбанов, М.Сағатов, Ғ.Жұбанова және т.б. танымал қазақ композиторларының шығармалары пайдаланылады.

Авторы – Мұхтар Әуезов, инсценировкасын жасаған – Қазақстанның еңбек сіңірген қайраткері Нұрлан Жұманиязов, режиссер – Қазақстанның еңбек сіңірген қайраткері Нұрлан Жұманиязов, суретші – Айнұр Есболатова, хормейстер – Дилара Қарекенова, хореограф – Александр Виноградов, Әбілхайыр Кушкенов.

Бүгінде қазақ сахнасында «Абай» сахналанбаған театр кемде-кем. Дегенмен, әлі сахна көрмеген, ел жүрегін қан жылатқан, жас Абайдың есеюіне, ел ісіне араласуына түрткі болған бір оқиға бар. Ол – Кәмшаттың өлімі. Осынау жағдай Абайға қалай әсер етті? Ағайын араздығын тоқтату үшін жасаған әрекеті, сенімі ақтала ма? Сол жолда кезіккен «есіл Тоғжанға» деген жүрек түкпірінде жасырған сезім шоғын сөндіре ала ма?

Абай Құнанбайұлының 175 жылдық мерейтойына орай сахналанатын «Жас Абай» драмасында Абайдың жалынды жастық шағына, туысқандық қарым-қатынасына, өмірдегі естен кетпес махаббат хикаясына куә бола аласыздар.

Ескерту: Нұр-Сұлтан қаласының Бас мемлекеттік санитарлық дәрігерінің 24 қазан 2020 жылғы Нұр-Сұлтан қаласында шектеу және карантин шаралары туралы ҚАУЛЫСЫНЫҢ 3.42. тармағына сәйкес мәдениет объектілерінің  жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтаумен және штаттық жұмыс режимін белгілей отырып 65 жастан асқан көрермендердің келуін шектеумен ұйымдастыру  жүргізілуде!